Siullermik qujavunga Kivitsisami sulisut Atuartut Nipaannut logomik, isikkussamik, videoliassamillu pilersitsisussatut toqqarmannga.
Atuartut Nipaat atuartunut nunatsinni podcastimi pissartanngorniunneruvoq, februar 2026-mi pisussaq.
Tassunga suliassakka ukuupput:
- Logossaa ilusilersorlugu
- Tamakkiisumik isikkussaa ilusilersorlugu (qalipaatit, elementit, skrifttype, titartaanerillu)
- Ilinniartitsisunut pilerisaarummik videoliorneq
Suliarititserusuttut atuartut akullermiittut silarsuaannut tulluuttumik ilusilersuisitsiumapput. Taamaammat isumaqatigiippugut atuartut ilisarisimalluagaat pixelerpalaartoq isumassarsiorfigalugu ilusilersuissasunga. Pixelit digitalip silarsuaanni takussaaqaat suli. Atuartut suli ullutsinni pixelikkaanik spillertarput, soorlu Minecraft aamma Roblox. Taamaammat isikkussaa atuartunut pissanganartoq alutornartorlu ilusilersorpara.
Maanna taakku suliat naammassereermata qanoq isikkoqarnersut ugguuna takutippakka.
